Номын тухай

Бөөлөө бол хүний дотоод ертөнц, итгэл, ухамсар, хязгаарын эрэлд гарсан улаачийн сэтгэлийн дуудлага юм. Энэ номд зохиогч өөрийн бөө болох замнал, сэтгэлийн хямрал ба сэрэл, итгэл ба эргэлзээ, зөн билиг ба мэдрэмж, зан үйл ба тэгш байдлын тухай бодит туршлагаа өгүүлнэ. Номын нэгдүгээр бүлэг болох "Нүргээн"-д бөө мөргөлийн гүн ухааны үндсэн ойлголтыг задлан шинжилж, дүгнэсэн ба хоёрдугаар бүлэг болох "Ивгээл"-д итгэл, сүсэг, зан үйлийн тухай, онгод тэнгэрийнхээ зан үйлийг шинжин дүгнэсэн ухаарлаа хуваалцжээ. Тус бүтээл нь шашны ном бус оршихуйн гүн утгыг уран яруу, бодит ажиглалтаар илэрхийлсэн баримтат уран зохиолын шинжтэй ном юм. Бөөлөө номд санамсаргүй байдлаар нэг зурагт карт дагалдах ба тэр нь таны сонгосон биш зураг өөрөө таныг сонгосон тэнгэрийн зөн байх болно.